लघुवित्त ऋणीहरूको धर्ना स्थगित, सरकारसँगको सहमतिपछि फर्किए घर

काठमाडौँ । ललितपुरको पुल्चोकस्थित मानव अधिकार आयोगको कार्यालय बाहिर धर्नामा बसेका लघुवित्त ऋणीहरू नेपाल सरकारसँग सहमति भएपछि आज आ–आफ्नो घर फर्किएका छन्।

नेपाल सरकार र ऋणीहरूका प्रतिनिधिबीच शनिबार (भदौ ६ गते) भएको वार्तामा १४ बुँदे सहमति भएपछि उनीहरूको धर्ना कार्यक्रम स्थगित भएको हो। सहमतिपश्चात् आज बिहान सरकारले साझा यातायातका बसहरूको व्यवस्था गरी उनीहरूलाई गन्तव्यतर्फ पठाएको छ।