शताब्दी नजिक चन्द्र नहर, सिँचाइमन्त्रीले गरे अनुगमन

८ भदौ, सप्तरी । सप्तरीको सप्तकोसी नगरपालिका-१ फत्तेपुरस्थित रहेका त्रियुगा नदीबाट पूर्वोत्तर भेगमा सिँचाइ सुविधा पुर्‍याउँदै आएको ऐतिहासिक चन्द्र नहर शताब्दीको संघारमा पुगेको छ ।

राणा प्रधानमन्त्री चन्द्र शमशेरको शासनकालको अन्तिम समयमा वि.सं. १९७९ मा निर्माण सुरु भएको नहर वि.सं. १९८४ मा सम्पन्न भएको थियो । निर्माण सम्पन्न भएको हिसाबले चन्द्र नहरले आगामी वर्ष शतवार्षिकी मनाउनेछ ।