मानव–वन्यजन्तु द्वन्द्व न्यूनीकरणका लागि स्थानीय तहबाटै प्रभावकारी कदम चाल्नुपर्ने

काठमाडौं– वन तथा वातावरण मन्त्रालयका प्रवक्ता डा. महेश्वर ढकालले मानव–वन्यजन्तु द्वन्द्वबाट उत्पन्न समस्या समाधानका लागि स्थानीयस्तरबाटै प्रभावकारी कदम चाल्नुपर्ने बताउनुभएको छ ।

प्रतिनिधि सभाअन्तर्गतको कृषि तथा प्राकृतिक स्रोत समितिको सोमबार बसेको बैठकमा बोल्दै उहाँले वन्यजन्तुको आक्रमणबाट हुने क्षतिबापत सरकारले उपलब्ध गराउँदै आएको राहत रकम उल्लेख्य रूपमा वृद्धि गरिए पनि राहत वितरण प्रणालीलाई थप व्यवस्थित बनाउनुपर्ने बताउनुभयो ।