उद्धव थापालाई पदमुक्त गर्न राप्रपाको पत्र, कारबाही अघि बढाउन उपसभामुखको आनाकानी

काठमाडौं- राष्ट्रिय प्रजातन्त्र पार्टी (राप्रपा) ले बागमती प्रदेशसभा सदस्य तथा संसदीय दलका नेता उद्धव थापालाई पदमुक्त गर्न माग गर्दै प्रदेशसभा सचिवालयमा पठाएको पत्र दर्ता गर्न उपसभामुख अप्सरा चापागाईंले आनाकानी गरेको आरोप लगाएको छ।

राप्रपा अध्यक्ष राजेन्द्र लिङदेनले बागमती प्रदेशसभाका सभामुखलाई सम्बोधन गर्दै थापालाई प्रदेशसभा सदस्य पदबाट पदमुक्त गर्न अनुरोधसहित पत्र पठाएका हुन्।