महिला हिंसा र होस्टेल सुरक्षाका घटना गम्भिरतापूर्वक अनुसन्धान गर्न सांसदहरूको माग

काठमाडौं । प्रतिनिधिसभाको सोमबारको बैठकमा सांसदहरूले पछिल्लो समय बढ्दै गएका महिला तथा बालिका हिंसा, हत्या र होस्टेलमा हुने आपराधिक घटनाप्रति सरकारको गम्भिर ध्यानाकर्षण गराउँदै निष्पक्ष अनुसन्धान र दोषीमाथि कडा कारबाहीको माग गरेका छन्।

नेकपा सांसद बलावती शर्माले बारा जितपुरसिमरा उपमहानगरपालिका–१ की तीन वर्षीया गरिमा चौधरीको बलात्कारपछि हत्या तथा सप्तरीकी दुई वर्षीया खुसी खातुनको परिवारबाटै हत्या भएको प्रारम्भिक अनुसन्धानले देखाएको घटनाले राज्य संयन्त्र र सामाजिक चेतनामाथि गम्भिर प्रश्न उठाएको बताइन्।