इरान युद्धले लाखौँ मानिसमा चरम भोकमरीको जोखिम

न्युयोर्क । इरानसँग जारी युद्धका कारण विश्वभरका अति संवेदनशील समुदायमा भोकमरीको जोखिम तीव्र रूपमा बढेको भन्दै विश्व खाद्य कार्यक्रम (डब्लुएफपी)ले चेतावनी दिएको छ । डब्लुएफपीका कार्यकारी निर्देशक कार्ल स्काउले अमेरिकी समाचार संस्था सीएनएनसँग कुरा गर्दै युद्धका प्रभावले लाखौँ थप मानिस सङ्कटपूर्ण खाद्य अभावको अवस्थामा पुग्न सक्ने बताएका छन् ।

उनका अनुसार स्टेट अफ होर्मुज बन्द भएपछि इन्धनको मूल्य अत्यधिक बढेको छ, जसले डब्लुएफपीका राहत तथा खाद्य वितरण कार्यक्रमहरू सञ्चालन गर्न लाग्ने खर्च उल्लेखनीय रूपमा बढाएको छ । इन्धन महँगिँदा विश्वभर खाद्यान्नको मूल्यसमेत बढिरहेको छ ।