पूर्वाधार विकासमा निजी क्षेत्रलाई चालकको भूमिकामा राख्न सरकारलाई चेम्बर अध्यक्षको सुझाव

काठमाडौं– नेपाल चेम्बर अफ कमर्सका अध्यक्ष कमलेशकुमार अग्रवालले निजी क्षेत्रलाई पूर्ण विश्वासमा लिएर मात्रै मुलुकको पूर्वाधार विकास र आर्थिक वृद्धि सम्भव हुने बताएका छन् ।

प्रतिनिधि सभा अन्तर्गतको पूर्वाधार विकास समितिको सोमबार बसेको बैठकमा बोल्दै अध्यक्ष अग्रवालले पूर्वाधार विकासमा निजी क्षेत्रलाई चालकको भूमिकामा राखेर सरकार अघि बढ्नुपर्नेमा जोड दिएका हुन् ।