मुख्यमन्त्री कार्कीद्वारा विश्वासको मत दिन प्रस्ताव, कांग्रेससँग आफ्नो दूरी टाढा नरहेको दाबी

विराटनगर । कोशी प्रदेशका मुख्यमन्त्री हिकमतकुमार कार्कीले प्रदेशसभा बैठकमा तेस्रो पटक विश्वासको मत मागेका छन् । कोशी प्रदेश सभाको आज बसेको बैठकमा उनले आफूलाई विश्वासको मत दिन सबै पार्टीका सांसदसँग अनुरोध गरेका हुन् ।

सम्बोधनका क्रममा मुख्यमन्त्री कार्कीले मुलुकमा नयाँ र पुराना शक्तिहरूका बीचमा फरक भाष्य निर्माण गर्न खोजिएको टिप्पणी गरे । उनले केन्द्रमा अर्कै समीकरणको सरकार हुँदा प्रदेश सरकार विपक्षी जस्तो बन्नुपर्ने अवस्था आएको भन्दै राजनीतिक अस्थिरताप्रति सङ्केत गरे । यद्यपि, उनले प्रमुख प्रतिपक्षी नेपाली कांग्रेससँग आफ्नो दूरी टाढा नरहेको बताउँदै सहकार्यको सम्भावना कायमै रहेको सङ्केत गरे ।