जेलमा मासुभात खाएर बलात्कारी अर्ना भैँसी जस्ता भए: आशिका तामाङ

सांसद आशिका तामाङले बलात्कारका घटनामा संलग्न अपराधीलाई कडाभन्दा कडा सजाय हुने गरी कानुनी व्यवस्था गर्न सरकारसँग माग गरेकी छन्।

प्रतिनिधिसभाको बैठकमा बोल्दै सांसद तामाङले बलात्कारका अपराधीलाई हालको कानुनी व्यवस्थाअनुसार जेल पठाउने मात्रै गर्दा त्यसले पीडितलाई न्यायको अनुभूति गराउन नसकेको टिप्पणी गरिन्।