मूल्य घटेपछिको इन्धन अभाव: काठमाडौँ उपत्यकामा पम्प बन्द र उपभोक्ताको सास्ती

काठमाडौं ।

नेपाल आयल निगमले पेट्रोलमा २० रुपैयाँ, डिजेल तथा मट्टीतेलमा ३० रुपैयाँ र हवाई इन्धनमा ४० रुपैयाँसम्म मूल्य घटाएपछि उपत्यकामा पेट्रोलियम पदार्थको कृत्रिम अभाव देखिएको छ। मूल्य समायोजनको सूचना बाहिरिएपछि निजी पम्प सञ्चालकहरूले घाटा हुने डरले इन्धन नउठाउँदा काठमाडौँ, ललितपुर र भक्तपुरका धेरै पम्पहरू बन्द भए।