हिमालय इङ्गलिस स्कुलमा निःशुल्क आँखा–दन्त शिविर

मोरङ(मोरङ) । मोरङको सुन्दरहरैँचा–१०, विराटचोकस्थित हिमालय इङ्गलिस स्कुलमा एकदिने निःशुल्क आँखा तथा दन्त परीक्षण शिविर सम्पन्न भएको छ। मोरङ क्षेत्र नम्बर ३ का पूर्व सांसद सुनिल शर्माको अगुवाइ तथा नोबेल मेडिकल कलेज, विराटनगरको सहकार्यमा आयोजित शिविरमा विद्यालयका शिक्षक, विद्यार्थी तथा अभिभावकले निःशुल्क स्वास्थ्य परीक्षण तथा परामर्श सेवा लिएका छन्।

विद्यालय परिसरमा आयोजित शिविरमा आँखा रोग विशेषज्ञ तथा दाँत रोग विशेषज्ञ चिकित्सकहरू सहभागी भई सेवाग्राहीको स्वास्थ्य परीक्षण गरेका थिए। विशेषगरी विद्यार्थीहरूमा देखिन सक्ने आँखा तथा दन्तसम्बन्धी समस्याको पहिचान, आवश्यक परामर्श तथा स्वास्थ्यसम्बन्धी सचेतना प्रदान गरिएको थियो।