बलात्कारीलाई ‘अन द स्पट’ कारबाही गर्नुपर्छ : सांसद सुनार

राष्ट्रिय स्वतन्त्र पार्टी (रास्वपा)का सांसद खगेन्द्र सुनारले देशमा बढिरहेका बलात्कार र हत्याका घटनाप्रति सरकार र संसद् गम्भीर बन्नुपर्ने बताएका छन्।

सोमबार प्रतिनिधिसभाको बैठकमा बोल्दै सुनारले बझाङकी सम्झना कामी, कञ्चनपुरकी निर्मला पन्त, कैलालीकी माया कामी, रूपन्देहीकी अंगिरा पासी, खोटाङकी रेश्मीका परियार, म्याग्दीकी मीना परियारलगायतका बलात्कार तथा हत्याका घटनाको स्मरण गराउँदै यस्तो बताएका हुन्।