सरकार ‘निर्वाचित अधिनायकवाद’ तर्फ उन्मुख [भिडियो]

काठमाडौँ। नेकपा (एमाले)का नेता प्रदीप ज्ञवालीले मुलुक असामान्य अवस्थाबाट गुज्रिरहेको भन्दै राष्ट्रियता, संघीय लोकतान्त्रिक गणतन्त्र, संविधान र जनताले उपभोग गर्दै आएको लोकतान्त्रिक स्पेस संकटमा परेको बताएका छन्।

‘कम्युनिस्ट आन्दोलनमा सहकार्य, एकता र पुनर्गठन’ विषयक अन्तरक्रिया कार्यक्रममा बोल्दै ज्ञवालीले ठूलो जनादेश पाएर राष्ट्रिय स्वतन्त्र पार्टी (रास्वपा) सरकारमा आए पनि पछिल्ला पाँच महिनाका गतिविधिले सरकार ‘निर्वाचित अधिनायकवाद’ तर्फ उन्मुख भएको दाबी गरे।