संसद्‌मा जनसरोकारका विषय उठाउन नेता–कार्यकर्ता सुसूचित हुनुपर्छ [भिडियो]

काठमाडौँ । नेपाली कांग्रेसका महामन्त्री गगन थापाले पार्टी प्रतिपक्षको भूमिकामा रहेकाले संसद्‌मा जनसरोकारका विषयलाई सशक्त ढंगले उठाउन नेता तथा कार्यकर्ताहरू सुसूचित हुनुपर्ने बताएका छन्। ललितपुरको सानेपास्थित पार्टी केन्द्रीय कार्यालयमा आइतबार आयोजित ‘सुवर्ण शमशेर इकोनोमिक सिरिज’ कार्यक्रममा बोल्दै उनले यस्तो भनाइ राखेका हुन्।

उनले संसदीय जिम्मेवारीलाई प्रभावकारी रूपमा निर्वाह गर्न र नीतिगत विषयमा स्पष्ट हुन यस्ता छलफलहरू निकै महत्त्वपूर्ण हुने उल्लेख गरे। पार्टीका नेताहरू बौद्धिक र समसामयिक विषयमा शिक्षित हुनुपर्ने तथा नयाँ विषयवस्तुबारे अद्यावधिक जानकारी राख्नुपर्नेमा जोड दिँदै उनले यस्ता कार्यक्रमले कार्यकर्ताको जिज्ञासा र रुचि बढाउने विश्वास व्यक्त गरे।