निजी क्षेत्रप्रति अविश्वास र शङ्काले आर्थिक विकास हुँदैन - अन्जन श्रेष्ठ

राजनीतिक परिवर्तन र प्राकृतिक प्रकोप जस्ता अनेकौं कठिनाइहरूका बाबजुद व्यवसायीहरूले निरन्तर काम गर्दै आए पनि हालका घटनाक्रमले निजी क्षेत्र र युवाहरूलाई थप त्रसित बनाएको श्रेष्ठले बताएका छन्।

उनले सरकारले उद्योग सञ्चालन गर्नु आफैँमा गलत नभए पनि कुनै एउटा मात्र उद्योगलाई केन्द्रमा राखेर समग्र औद्योगीकरणको नीति बनाउन नहुने स्पष्ट पारे। हेटौंडा कपडा उद्योग सञ्चालनको प्रसङ्गमा मन्त्रीले निजी क्षेत्रले उद्योग बन्द गराउन खोज्न सक्ने आशङ्का व्यक्त गरेकोप्रति लक्षित गर्दै उनले यस्तो सङ्कुचित मानसिकताले देशमा औद्योगीकरणको गति लिन नसक्ने कडा टिप्पणी गरे।