कांग्रेस प्रमुख सचेतक थापा र अस्ट्रेलियाका राजदूतबिच भेटवार्ता

काठमाडौँ । प्रमुख प्रतिपक्षी दल नेपाली कांग्रेसकी प्रमुख सचेतक वासना थापा र नेपालका लागि अस्ट्रेलियाका राजदूत साइमन अन्स्रटबिच शिष्टाचार भेटवार्ता भएको छ। नेपाली कांग्रेस संसदीय दलको कार्यालयमा सोमबार भएको भेटमा नेपाल–अस्ट्रेलिया सम्बन्ध, संसदीय सहकार्य, शिक्षा, जनस्तरीय सम्बन्ध तथा आपसी हितका विषयमा छलफल भएको थियो।

भेटमा प्रमुख सचेतक थापाले नेपाल र अस्ट्रेलियाबिचको सम्बन्धलाई थप बलियो बनाउन संसदीय तहको सहकार्यलाई प्राथमिकता दिनुपर्ने बताइन् । उनले दुवै देशका सांसदबिच नियमित संवाद र अनुभव आदानप्रदान बढाउनुपर्नेमा जोड दिइन्।