राति घरबाहिर क्याट इन द ह्याट देखिएपछि डराए मानिस, प्रहरीले दियो यस्तो चेतावनी

लन्डन —

बेलायतमा ‘क्याट इन द ह्याट’ नामको रहस्यमय पात्र देखिएको दाबी गरिएका तस्बिर तथा भिडियो सामाजिक सञ्जालमा भाइरल भएपछि प्रहरीले सर्वसाधारणलाई सचेत गराएको छ। टिकटक, फेसबुक र एक्समा रातको समयमा सडक, घर तथा कार वरिपरि उक्त पात्र देखिएको दाबी गरिएका सामग्री तीव्र रूपमा फैलिएका छन्। केही बालबालिका तथा किशोरकिशोरीले यस्ता भिडियो वास्तविक ठानेपछि डराएको समेत बताइएको छ।