१६ वर्षमुनिका बालबालिकालाई सामाजिक सञ्जाल प्रतिबन्ध गर्दै न्युजिल्यान्ड

न्युजिल्यान्डका प्रधानमन्त्री क्रिस्टोफर लक्सनले १६ वर्षभन्दा कम उमेरका बालबालिकालाई सामाजिक सञ्जाल प्रयोग गर्न रोक्ने विधेयक अघि सारेका छन्। सरकारले फेसबुक, इन्स्टाग्राम, टिकटक, स्न्यापच्याटलगायतका सामाजिक सञ्जालबाट बालबालिकालाई हुने हानिकारक सामग्री, मानसिक स्वास्थ्यमा पर्ने असर, निद्रा, पढाइ तथा पारिवारिक सम्बन्धमा पर्ने नकारात्मक प्रभाव कम गर्ने उद्देश्यले प्रस्ताव ल्याएको जनाएको छ।

प्रस्तावित कानुनअनुसार सामाजिक सञ्जाल कम्पनीहरूले प्रयोगकर्ताको उमेर पहिचान तथा प्रमाणीकरणका लागि डिजिटल परिचयपत्र, अनुहारको उमेर अनुमानलगायतका प्रविधि प्रयोग गर्नुपर्ने हुन सक्छ। नियम पालना नगर्ने कम्पनीलाई विश्वव्यापी वार्षिक आम्दानीको १० प्रतिशतसम्म जरिवाना गर्न सकिने प्रस्ताव गरिएको छ। बालबालिका वा उनीहरूका अभिभावकलाई भने जरिवाना गर्ने व्यवस्था प्रस्ताव गरिएको छैन।