प्रशासनिक ढिलासुस्तीले नागरिकले सास्ती खेप्नुपरेको थियो : रामेश्वर खनाल

८ भदौ, काठमाडौं । पूर्वमन्त्री रामेश्वर खनालले सार्वजनिक प्रशासनको ढिलासुस्ती र ‘भोलि आउनुस्’ भन्ने प्रवृत्तिका कारण आम नागरिकले ठूलो सास्ती खेप्नुपरेको बताएका छन्।

सोमबार काठमाडौंमा नेपाल प्रशासन सङ्घद्वारा आयोजित कार्यक्रममा ‘हेमबहादुर मल्ल सम्मान’ ग्रहण गर्दै उनले सार्वजनिक प्रशासन भनेको कर्मचारी र फाइलबीचको प्रक्रिया मात्र नभई लाखौँ सेवाग्राहीको जीवनसँग प्रत्यक्ष जोडिएको गम्भीर विषय भएको बताए ।