संसदमा बालेनलाई प्रश्न - मेयर हुँदा लेखेको स्टाटस बिर्सिनुभयो ?

नेपाली कांग्रेसले गणेश नेपालीको आत्मदाह प्रकरणलाई लिएर प्रधानमन्त्री बालेन शाहलाई उनी काठमाडौंको मेयर हुँदा लेखेको फेसबुक स्टाटसको स्मरण गराएको छ। प्रतिनिधि सभाको बैठकमा बोल्दै कांग्रेस प्रमुख सचेतक वासना थापाले विगतमा बालेन शाहले मेयर छँदा आत्मदाहका घटनालाई लिएर राज्यमाथि प्रश्न उठाएको उल्लेख गर्दै अहिले आफैँ सत्ताको नेतृत्वमा पुग्दा भने त्यही प्रश्नको जवाफ दिनबाट भागेको टिप्पणी गरिन्।

उनले नागरिकहरू देशमै चरम निराशाका कारण आत्मदाह गर्न बाध्य भइरहँदा सरकार जिम्मेवारीबाट पन्छिन नमिल्ने भन्दै प्रधानमन्त्रीको ध्यानाकर्षण गराइन्।