जर्मनीमा गर्मीका कारण ५ हजारभन्दा बढीको मृत्यु

बर्लिन । जर्मनीमा यस वर्ष हालसम्मको अवधिमा गर्मीको लहरसँग सम्बन्धित घटनामा ५ हजार १२० जनाको मृत्यु भएको अनुमान गरिएको छ । जर्मनीको सार्वजनिक स्वास्थ्य संस्था रोबर्ट कोख इन्स्टिच्युटले बिहीबार सार्वजनिक गरेको साप्ताहिक प्रतिवेदनमा यस्तो जानकारी दिएको हो ।

प्रतिवेदनअनुसार अधिकांश मृत्यु जुन महिनाको अन्तिम सातातिर भएको थियो । त्यतिबेला साप्ताहिक औसत तापक्रम २० डिग्री सेल्सियसभन्दा निकै माथि पुगेको थियो । मृतकमध्ये करिब ४ हजार २७० जना ७५ वर्ष वा सोभन्दा माथिका ज्येष्ठ नागरिक रहेका छन् । मर्नेमा पुरुषभन्दा महिला बढी रहेको प्रतिवेदनमा उल्लेख छ ।