जिल्ला अदालतमा पनि आदेश भएकै दिन विद्युतीय प्रणालीमा प्रविष्ट

काठमाडौं । सर्वोच्च अदालतले सबै जिल्ला अदालतहरूबाट भएका फैसला वा अन्तिम आदेशबाहेकका अन्य आदेशहरू उही दिन विद्युतीय प्रणाली (सीएमएस) मा प्रविष्ट गराउन सर्कुलर गरेको छ ।

न्यायपालिकालाई सूचना प्रविधिमा आधारित ‘ई–जुडिसियरी’ का रूपमा विकास गर्ने उद्देश्यअनुरूप आदेश भएकै दिन विद्युतीय प्रणालीमा प्रविष्ट गराउन सोमबार (भदौ ८) सबै जिल्ला अदालत, उपभोक्ता अदालत र बाल अदालतलाई सर्कुलर गएको छ ।