आरोपीको भिडिओ बनाएको आरोपमा पक्राउ गरिएका प्रहरीमाथि दुई कसुरमा मुद्दा

जनकपुरधाम । बाराको जीतपुरसिमरा उपमहानगरपालिका–१ भक्तिनगरस्थित खालि घरमा बालिका गरिमा चौधरी मृत फेला परेको घटनाको अनुसन्धानका क्रममा पक्राउ परेका व्यक्तिको संवेदनशील भिडियो बनाएको आरोपमा प्रहरी हवलदारविरुद्ध दुईवटा कानुनअन्तर्गत मुद्दा दर्ता भएको छ।

जिल्ला प्रहरी कार्यालय बाराका अनुसार जिल्ला प्रहरी कार्यालयमै कार्यरत प्रहरी हवलदार कुमार विकविरुद्ध वैयक्तिक गोपनीयता सम्बन्धी ऐन, २०७५ र विद्युतीय कारोबार ऐन, २०६३ अन्तर्गतको कसुरमा मुद्दा दर्ता गरिएको हो ।