बसलाई निलो पोतेर सुरक्षा महसुस हुँदैन, गणेश नेपालीको लास हेरेर जवाफ दिनुस् : सांसद थपलिया

काठमाडौँ । नेपाली कांग्रेसकी सांसद सिता थपलिया उर्मिलाले राहदानी विभाग अगाडि आत्मदाह गर्ने मुगुका २५ वर्षीय युवक गणेश नेपालीको मृत्युको जिम्मेवारी सरकारले लिनुपर्ने बताएकी छन् । शुक्रबारको प्रतिनिधिसभा बैठकमा बोल्दै सांसद थपलियाले नागरिकले आफ्नै शरीरमा आगो लगाउनुपर्ने अवस्था आउनु राज्यको असफलता भएको बताइन् ।

सांसद थपलियाले विगतमा प्रेम आचार्यले नयाँ बानेश्वरमा आत्मदाह गर्दा तत्कालीन काठमाडौँका मेयर बालेन साहले व्यक्त गरेका धारणाको स्मरण गराउँदै अहिलेको मौनताप्रति प्रश्न उठाइन् । ‘हिजो प्रश्न गर्ने प्रधानमन्त्रीज्यू आज कहाँ र के गर्दै हुनुहुन्छ ? के राज्य साँच्चिकै यति निरीह र असफल भइसकेको हो कि नागरिकले आफ्ना पीडा सुनाउन शरीरमा आगो लगाउनुपर्ने,’ उनले भनिन् ।