भोटेकोशी-त्रिशुलीको बाढीबाट मृत्यु हुनेको संख्या १११४ जना पुग्यो

काठमाडौं : रसुवाको भोटेकोशी र त्रिशुली नदीमा आएको बाढीले बगाएका १११४ जनाको शव फेला परेको छ। राष्ट्रिय विपद् जोखिम न्यूनीकरण तथा व्यवस्थापन प्राधिकरणले बुधबार बिहानसम्मको विवरण सार्वजनिक गर्दै बाढीबाट १११४ जनाको मृत्यु र ३ हजार ९१६ जना अझै सम्पर्कविहीन भएको जनाएको हो।

प्राधिकरणका अनुसार मृतकमध्ये रसुवामा ४१, नुवाकोटमा १५५, धादिङमा ५९, गोरखामा ६६, नवलपरासी पूर्वमा २१७, नवलपरासी पश्चिममा १९०, तनहुँमा ३८ र चितवनमा ३४८ जना भेटिएका छन्। कतिपयको आंशिक मानव अंग मात्र रहेको छ।