युक्रेन युद्ध थप चर्किने संकेत, युद्ध विस्तारको तयारीमा पुटिन

मस्को । अमेरिकी राष्ट्रपति डोनाल्ड ट्रम्पले युक्रेन युद्ध अन्त्यका लागि कूटनीतिक प्रयास तीव्र बनाइरहेका बेला रुसी राष्ट्रपति भ्लादिमिर पुटिन तत्काल शान्ति वार्तामा जान इच्छुक नरहेको र आगामी महिनाहरूमा युद्धलाई अझ व्यापक बनाउने तयारीमा रहेको खुलासा भएको छ।

क्रेमलिनसँग निकट सम्बन्ध रहेका तीन स्रोतलाई उद्धृत गर्दै रोयटर्सले सार्वजनिक गरेको समाचारअनुसार युक्रेनले पछिल्ला हप्ताहरूमा रुसका तेल प्रशोधन केन्द्र, बन्दरगाह तथा ऊर्जा पूर्वाधारमा गरेका सफल ड्रोन आक्रमणहरूले पुटिनलाई झन् कठोर बनाएको छ।