वर्षौंदेखि अलपत्र योजनाको ठेक्का तोडिने

सुदूरपश्चिम प्रदेशका नवनियुक्त भौतिक पूर्वाधार विकासमन्त्री ओमविक्रम भाट ‘सरल’ले वर्षौंदेखि काम नगरी अलपत्र पारिएका योजनाको ठेक्का तोड्ने बताएका छन्।

सोमबार पदभार ग्रहण गर्दै मन्त्री भाटले लामो समयदेखि काम सम्पन्न हुन नसकेका तथा अलपत्र परेका योजनाको अध्ययन गरी काम अघि नबढाउने निर्माण व्यवसायीको ठेक्का रद्द गर्ने निर्णय गरिएको जानकारी दिए। त्यसका लागि बहुवर्षीय ठेक्कामा रहेका योजनाको अध्ययन गर्न समिति गठन गर्ने निर्णयमा उनले हस्ताक्षर गरेका छन्।