चर्को गर्मीका कारण पेरिसकाे सार्वजनिक स्थानमा मदिरा बिक्री र सेवनमा प्रतिबन्ध

पेरिस । युरोपभर फैलिएको अत्यधिक गर्मीको लहरका कारण फ्रान्सको राजधानी पेरिसमा अस्पतालमाथिको चाप कम गर्न सार्वजनिक स्थानमा मदिरा सेवन र बिक्रीमा अस्थायी प्रतिबन्ध लगाइएको छ । फ्रान्सेली अधिकारीहरूका अनुसार शुक्रबार दिउँसो १२ बजेदेखि शनिवार बिहान ७ बजेसम्म तथा शनिवार साँझदेखि आइतबार बिहानसम्म सार्वजनिक स्थानमा मदिरा सेवन गर्न पाइने छैन ।

त्यस्तै, यी अवधिमा ‘टेकअवे’ अर्थात् बाहिर लैजान मिल्ने गरी मदिरा बिक्रीसमेत रोक लगाइएको छ । यद्यपि अनुमति प्राप्त बार र रेस्टुरेन्टहरूमा भने यो प्रतिबन्ध लागू हुने छैन ।