सर्वोच्चले भन्यो- दूध किसानको पैसा रोक्न मिल्दैन, बक्यौता रकम तत्काल भुक्तानी गर्नू

चितवन । लामो समयदेखि दूध बिक्री गरेबाफतको रकम नपाई आन्दोलन गर्न बाध्य भएका देशभरका दूध उत्पादक किसानहरूको हकमा सर्वोच्च अदालतले परमादेश जारी गरेको छ ।

सर्वोच्चले दुग्ध विकास संस्थान (डीडीसी) र निजी डेरी उद्योगहरूले किसानलाई तिर्न बाँकी रहेको अर्बौँ रुपैयाँ बक्यौता रकम तत्काल भुक्तानी गर्न र भविष्यमा निरन्तर भुक्तानी चक्र कायम रहने स्थायी प्रणाली निर्माण गर्न सरकार तथा सरोकारवाला निकायका नाममा परमादेश जारी गरेको हो ।