एनच्याटले ल्यायो एआई बिल्डर, कोडिङबिनै डिजिटल एप बनाउन सकिने

काठमाडौं । नेपाली प्रविधि कम्पनी एनच्याटले कोडिङ वा प्राविधिक ज्ञानबिना आफ्नै डिजिटल एप तथा मिनी एप निर्माण गर्न सकिने एआई बिल्डर सुविधा सार्वजनिक गरेको छ ।

कम्पनीका अनुसार एआई बिल्डरमार्फत व्यवसायी, विद्यार्थी, स्टार्टअप तथा विभिन्न संस्थाले आफ्नो आवश्यकता र उद्देश्यअनुसार डिजिटल समाधान निर्माण गर्न सक्नेछन् । सामान्य प्रयोगकर्ताले समेत आफ्ना विचारलाई सहज रूपमा डिजिटल उत्पादनमा रूपान्तरण गर्न सकून् भन्ने उद्देश्यले यो सुविधा ल्याइएको एनच्याटले जनाएको छ ।