स्याङ्जामा बोलेरो जिप दुर्घटना: दुई जनाको मृत्यु, १७ घाइते

स्याङ्जाको गल्याङ नगरपालिका-८ करादीस्थित भित्री सडकखण्डमा सोमबार साँझ बोलेरो जिप दुर्घटना हुँदा दुई जनाको घटनास्थलमै मृत्यु भएको छ भने १७ जना घाइते भएका छन्।

जिल्ला प्रहरी कार्यालय स्याङ्जाका अनुसार दुर्घटनामा गल्याङ नगरपालिका-८ की २५ वर्षीया निशा पचभैया र वडा नम्बर-९ का ६० वर्षीय यमबहादुर विकको घटनास्थलमै ज्यान गएको हो।