बागमती सरकारको बजेट खर्च ६८ प्रतिशत, भौतिक पूर्वाधारमा बढी खर्च

मकवानपुर । बागमती प्रदेश सरकारले आर्थिक वर्ष २०८२/०८३ को बजेट ६८.५८ प्रतिशत कार्यान्वयन गरेको छ । प्रदेश लेखा नियन्त्रक कार्यालयले सार्वजनिक गरेको प्रारम्भिक विवरण अनुसार सरकारले विनियोजित कुल ६७ अर्ब ४७ करोड ८३ लाख २७ हजार रुपैयाँमध्ये असार २५ गतेसम्मको अवधिमा कुल ४६ अर्ब २७ करोड ७७ लाख १९ हजार ९२८ रुपैयाँ खर्च गरेको हो ।

तथ्याङ्क अनुसार चालु खर्चभन्दा पुँजीगत (विकास) खर्चको प्रतिशत केही बढी देखिएको छ । चालु खर्चतर्फ विनियोजित २५ अर्ब ८१ करोड ३५ लाख ९० हजार रुपैयाँमध्ये १७ अर्ब ६३ करोड ७४ लाख ३२ हजार रुपैयाँ (६८.३३ प्रतिशत) खर्च भएको छ भने विकास निर्माणका लागि छुट्ट्याइएको पुँजीगत खर्चतर्फ ४१ अर्ब ६६ करोड ४७ लाख ३६ हजार रुपैयाँमध्ये २८ अर्ब ६४ करोड २ लाख ८७ हजार रुपैयाँ (६८.७४ प्रतिशत) खर्च भएको छ ।