मोज्तबा खामेनीको सार्वजनिक अनुपस्थितिको अर्थ के ?

तेहरान । सन् १९७९ को इस्लामिक क्रान्तिपछि स्थापना भएको इस्लामिक गणतन्त्र इरानको सम्पूर्ण राजनीतिक प्रणाली सर्वोच्च नेताको शक्तिशाली भूमिकामा आधारित रहँदै आएको छ। तर पूर्व सर्वोच्च नेता आयातुल्लाह अली खामेनीको मृत्यु र नयाँ सर्वोच्च नेता मोज्तबा खामेनीको सार्वजनिक रूपमा निरन्तर अनुपस्थितिपछि इरान अभूतपूर्व राजनीतिक अवस्थाबाट गुज्रिरहेको विश्लेषण गरिएको छ।

इरानका पहिलो सर्वोच्च नेता रुहुल्लाह खोमेनी इस्लामवादी र वामपन्थी क्रान्तिकारीहरूको संयुक्त आन्दोलनमार्फत सत्तामा पुगेका प्रभावशाली धार्मिक नेता थिए। उनीपछि सर्वोच्च नेता बनेका अली खामेनी धार्मिक रूपमा त्यति प्रतिष्ठित नभए पनि इस्लामिक गणतन्त्रको शक्ति संरचनाभित्र लामो अनुभव भएका नेता थिए। उनी सर्वोच्च नेता बन्नुअघि राष्ट्रपति रहिसकेका थिए र इरान–इराक युद्धका समयमा पनि महत्वपूर्ण नेतृत्वदायी भूमिकामा थिए।