सीमानाकाबाट २८० नेपालीको उद्धार

धनगढी । लामो समयसम्म भारतको क्वोरेन्टाइनमा बसेका २८० नेपालीलाई आज कैलालीको गौरीफन्टा सीमानाकाबाट उद्धार गरी स्वदेश भित्र्याइएको छ ।

भारत, लखिमपुरखिरी जिल्लाको पलिया बजारमा व्यवस्था गरिएका विभिन्न क्वारेन्टाइनमा बसेका नेपालीलाई भारतीय अधिकारीको पहलमा बसमाफर्त् नेपाल भारत सीमानाका गौरीफंन्टासम्म पुर्‍याइएको थियो । सीमासम्म पुर्‍याइपछि जिल्ला प्रशासन कार्यालयको नेतृत्वमा रहेको प्रहरी समेतको टोलीले नेपालीको उद्धार गरेको हो ।