प्रहरीले भन्यो: राष्ट्रिय परिचयपत्रका नाममा आउने शंकास्पद लिंक नखोल्नुहोस्, ठगिएला

राष्ट्रिय परिचयपत्र (NID) को लिंक नभएको भन्दै मोबाइल बैंकिङ सेवा २४ घण्टाभित्र बन्द हुने दाबी गर्दै सर्वसाधारणलाई पठाइएका सन्देशप्रति नेपाल प्रहरीले सचेत गराएको छ। नेपाल प्रहरीको साइबर ब्यूरोले यस्तो सन्देशमा विश्वास नगर्न र शंकास्पद लिंकमा क्लिक नगर्न आग्रह गरेको हो।

साइबर ब्यूरोले सार्वजनिक गरेको सूचनाअनुसार पछिल्लो समय ‘प्रिय ग्राहक, राष्ट्रिय परिचयपत्र (NID) लिंक नभएको कारण तपाईंको मोबाइल बैंकिङ सेवा २४ घण्टाभित्र बन्द हुनेछ’ भन्ने व्यहोराका सन्देश पठाएर ग्राहकलाई एउटा शंकास्पद लिंकमा क्लिक गर्न लगाउने प्रयास भइरहेको छ।