माछाको भुरामा ७२ लाख भ्रष्टाचार, तत्कालीन कार्यलय प्रमुखसहित ४ जनाविरुद्ध मुद्दा दायर

नक्कली किसान र झुट्टा कागजात बनाएर सरकारी रकम हिनामिना गरेको आरोपमा जिल्ला कृषि विकास कार्यालय धनुषाका तत्कालीन कार्यालय प्रमुखसहित चार जनाविरुद्ध विशेष अदालतमा भ्रष्टाचार मुद्दा दायर गरेको छ।

अख्तियार दुरुपयोग अनुसन्धान आयोगले माछाको भुरा वितरण गर्न आएको अनुदान रकममा ७२ लाख ५९ हजार ९० रुपैयाँ हिनामिना गरेको आरोपमा तत्कालीन कार्यालय प्रमुख सुकेश्वर झा, लेखापाल रामचन्द्र ठाकुर, प्राविधिक सहायक देवेन्द्रलाल कर्ण र सुदिश माछापालन केन्द्रका प्रोप्राइटर राम सुदिश शरण विरुद्ध भ्रष्टाचार मुद्दा दायर भएको हो।