होल्डिङ सेन्टरमा पनि सुरक्षित छैनन् सुकुम्बासी: विस्थापितको प्रश्न-अब हामी कहाँ जाने ?

गत वैशाख १२ गते राजधानीका विभिन्न स्थानका सुकुम्बासी बस्ती हटाइएपछि विस्थापित परिवारलाई सरकारले अस्थायी रूपमा विभिन्न होल्डिङ सेन्टरमा राखेको थियो।

तीमध्ये करिब एक सय जनालाई नागार्जुन–इचङकुनारायणस्थित होल्डिङ सेन्टरको ब्लक ‘बी’ मा राख्दै स्थायी व्यवस्थापन गरिने आश्वासन दिइएको थियो। तर अहिले त्यही होल्डिङ सेन्टर पनि खाली गर्न निर्देशन दिइएपछि त्यहाँ आश्रय लिइरहेका परिवार पुनः सडकमा पुग्ने चिन्तामा परेका छन्।