एक चीन नीतिमा नेपाल दृढ छ : परराष्ट्र मन्त्रालय

काठमाडौँ । सरकारले नेपाल एक चीन नीतिप्रति दृढ रहेको स्पष्ट पारेको छ। परराष्ट्र मन्त्रालयले शुक्रबार आयोजित पत्रकार सम्मेलनमा नेपाल आफ्नो स्थापित नीतिमा अडिग रहेको जानकारी दिएको हो।

केही दिनअघि नेपालमा दलाई लामाको जन्मदिन मनाउन सरकारले अनुमति दिएपछि संसदमा ‘नेपाल एक चीन नीति विपरीत गएको हो?’ भन्दै प्रश्न उठेको थियो। सोही प्रश्नको जवाफ दिँदै परराष्ट्र मन्त्रालयका प्रवक्ता लोकबहादुर पौडेल क्षेत्रीले नेपालले आफ्नो भूमि कुनै पनि छिमेकी मुलुकको हित विपरीत प्रयोग हुन नदिने बताए। नेपालले आफ्नो भूमि कुनै पनि मित्र राष्ट्रका विरुद्ध प्रयोग हुन नदिने उनको भनाइ छ।