मुस्ताङमा स्याउ टिप्न थालियो, ग्रेडिङमा आधुनिक उपकरणको प्रयोग (तस्बिरहरू)

मुस्ताङ- मुस्ताङमा छिटो पाक्ने स्याउ टिप्ने काम सुरु भएको छ। घरपझोङ गाउँपालिका–३ स्थित अब्बल किसान कर्मा गुरुङको चिम्ले अर्चार्ड कृषि फार्ममा उत्पादन भएको स्याउ बजार पठाउनुअघि आधुनिक उपकरणबाट ग्रेडिङ गर्ने काम भइरहेको छ।

भदौ १५ गतेदेखि स्याउ टिप्न सुरु गरिएको फार्ममा श्रमिकहरूले आधुनिक ग्रेडिङ मेसिनमार्फत आकार र गुणस्तरका आधारमा स्याउ वर्गीकरण गरिरहेका छन्। यसले बजारमा एकरूप गुणस्तरका स्याउ पठाउन सहज हुने र किसानले राम्रो मूल्य पाउने अपेक्षा गरिएको छ।