मधेशमा मन्त्री केन्द्रित बजेट, दलहरुमा ‘लफडा’

जनकपुरधाम : मधेश प्रदेश सरकारले गौरवको योजना प्राथमिकतामा राख्नुको साटो मन्त्रीमुखी बजेटमा टुक्रे र खुद्रे योजना समावेश गरेपछि दलहरुमा लफडा सुरु भएको छ । गौरवको योजना राख्नुको सट्टा १ हजार देखि लाख र करोडको योजना समावेशमा मन्त्रीमुखी बजेट ल्याएको भन्द्र प्रतिपक्षी र सत्तापक्षकै कतिपय प्रदेशसभा सदस्यहरुले असन्तुष्टि जनाएपछि प्रदेशसभामा निरन्तर अवरुद्ध छ ।

मधेश सरकारका अर्थमन्त्री युवराज भट्टराईले आर्थिक वर्ष २०८३/०८४ का लागि ल्याएको ४१ अर्ब १३ करोड ८६ लाख रुपैयाँ बराबरको बजेटमा एउटै शीर्षकमा साना–साना टुक्रे योजनाको बजेट विनियोजन गरेपछि चौतर्फी आलोचना भएको छ । मधेश प्रदेश सरकारले दीर्घकालीन प्रदेश गौरवको आयोजनालाई प्राथमिकता दिनुको साटो हजारदेखि लाख, करोडसम्मका टुक्रे वितरणमुखी योजनामा केन्द्रित बजेट ल्याएपछि सरकारको ‘झुर बजेट’ भनेर अलोचना भईरहेको छ ।