२०औँ एसियाडका लागि नेपालका १३६ खेलाडी छनोट, २२ खेलमा प्रतिस्पर्धा गर्ने

जापानमा आयोजना हुने २०औँ एसियाली खेलकुद (एसियाड) का लागि नेपालबाट २२ खेलमा प्रतिस्पर्धा गर्ने १३६ खेलाडीको नाम टुंगो लागेको छ। राष्ट्रिय खेलकुद परिषद् (राखेप) ले खेलाडीहरूको अन्तिम सूची सार्वजनिक गर्दै नेपालले विभिन्न विधामा सहभागिता जनाउने जनाएको हो।

राखेपका सदस्य–सचिव रामचरित्र मेहताका अनुसार नेपालबाट ५६ महिला र ७९ पुरुषसहित कुल १३६ खेलाडी एसियाडमा सहभागी हुनेछन्। प्रतियोगितामा आर्चरी, एथलेटिक्स, ब्याडमिन्टन, बक्सिङ, क्यानो स्लालोम, पुरुष क्रिकेट, साइक्लिङ, डान्स एन्ड स्पोर्ट्स, गल्फ, जुडो, पुरुष तथा महिला कबड्डी, कराते, स्केटबोर्ड, सफ्ट टेनिस, स्क्वास, पौडी, टेबल टेनिस, तेक्वान्दो, टेनिस, महिला भलिबल, कुस्ती र उसु गरी २२ खेलमा नेपाली टोलीले प्रतिस्पर्धा गर्नेछ।