नागढुंगा-नौबिसे सडक अवरुद्ध

काठमाडौँ- नागढुंगा-नौबिसे सडक खण्ड भासिएको छ। धादिङको सडक विभागका अनुसार नागढुंगा नजिकै पातले वनमा सडक भासिएको हो। विभागका इन्जिनियर अर्जुनप्रसाद अर्यालका अनुसार सडक भासिएपछि गाडी एकतर्फी रूपमा सञ्चालन गरिएको छ।

सडक भासिएपछि पेट्रोलियम पदार्थ बोकेका गाडीहरूलाई मात्रै यो रुटमा चल्न दिइएको उनले बताए। यो रुट भएर आउने अन्य गाडीहरूलाई भने सुरुङमार्गबाट पठाउने तयारी भइरहेको उनको भनाइ छ।