यूएईमा अध्ययनको नाममा ठगी गरेको आरोपमा ९ कन्सल्टेन्सी सञ्चालक पक्राउ

काठमाडौं । संयुक्त अरब इमिरेट्स (यूएई) का मान्यता नपाएका कलेजमा नेपाली विद्यार्थी पठाई ठगी गरेको आरोपमा प्रहरीले विभिन्न शैक्षिक परामर्श (कन्सल्टेन्सी) संस्थाका ९ जना सञ्चालकलाई पक्राउ गरेको छ।

काठमाडौं उपत्यकाका विभिन्न स्थानमा कन्सल्टेन्सी सञ्चालन गर्दै आएका उनीहरूले यूएईको उच्च शिक्षा मन्त्रालयअन्तर्गतको MOHESR/Commission for Academic Accreditation (CAA) बाट स्वीकृति नपाएका कलेजमा अध्ययन गराउन पठाएको तथा त्यहाँको अध्ययनलाई फ्रान्स, अष्ट्रेलियालगायत देशका विश्वविद्यालयमा ‘क्रेडिट ट्रान्सफर’ हुने भन्दै विद्यार्थीलाई झुक्याएर ठगी गरेको आरोप छ।