कङ्गो र युगाण्डामा इबोला फैलिँयो, जनस्वास्थ्य संकटकाल घोषणा

विश्व स्वास्थ्य संगठनले कङ्गो लोकतान्त्रिक गणराज्य र युगाण्डाका विभिन्न क्षेत्रमा इबोला संक्रमण फैलिँदै गएपछि विश्वव्यापी जनस्वास्थ्य संकटकाल घोषणा गरेको छ। संगठनले मे १७ मा आधिकारिक वक्तव्य जारी गर्दै संक्रमणको जोखिम उच्च रहेको जनाएको हो।

डब्लुएचओका अनुसार कङ्गोमा मे १६ सम्म इबोलासँग मिल्दोजुल्दो लक्षण देखिएका ८९ जनाको मृत्यु भइसकेको छ भने २४६ जना शंकास्पद संक्रमित फेला परेका छन्। युगाण्डामा पुष्टि भएका दुई संक्रमितमध्ये एक जनाको मृत्यु भएको छ। मृत्यु भएका व्यक्ति केही दिनअघि कङ्गोको इटुरी क्षेत्रबाट युगाण्डा पुगेका थिए।