बाँझो जमिनलाई एकीकृत गरी जैविकखेती गर्दै ताराखोला

बागलुङ । बसाइसराइका कारण खाली बनेका जग्गालाई प्रयोगमा ल्याउन बागलुङको ताराखोला गाउँपालिकाले सामूहिक जैविकखेती गर्ने योजना बनाएको छ । गाउँका खेतबारीमा झाडी पलाउँदै गएपछि बाँझो जमिनलाई एकीकृत गरी ‘भूमि बैंक’ मार्फत सामूहिक जैविकखेती गर्ने योजना बनाएको हो ।

बजार झरेका नागरिकलाई गाउँ फर्कनका लागि प्रेरित गर्न पालिकाले युवा समूह तथा सहकारीमार्फत जैविकखेतीलाई प्राथमिकता दिन थालेको गाउँपालिकाका अध्यक्ष धनबहादुर विकले बताए । एकीकृत रूपमा खेती गर्दा खेतीयोग्य जमिन खाली नहुने र नागरिक जीवनस्तर बदलिने उनको भनाइ छ ।