जब ट्रम्प इरान र जापानबिच झुक्किए...

अमेरिकी राष्ट्रपति डोनाल्ड ट्रम्पले जापान र इरानलाई लिएर एउटा अनौठो टिप्पणी गरेका छन्। टर्कीको राजधानी अंकारामा भएको नेटो शिखर सम्मेलनका क्रममा उनले जापानलाई 'इस्लामिक गणतन्त्र' भन्दै त्यसले अमेरिकी विमानवाहक जहाजमाथि क्षेप्यास्त्र प्रहार गरेको दाबी गरेका हुन्।

युक्रेनी राष्ट्रपति भोलोदिमिर जेलेन्स्कीसँगको भेटमा ट्रम्पले भने, ‘हामीमाथि जापानको इस्लामिक गणतन्त्रले १११ वटा क्षेप्यास्त्र प्रहार गरेको थियो।’ उनले एक घण्टाको अवधिमा 'अब्राहम लिंकन' विमानवाहक जहाजमाथि क्षेप्यास्त्र प्रहार भएको र तिनलाई रोकिएको बताए। वास्तवमा जापान र अमेरिका लामो समयदेखिका सुरक्षा साझेदार हुन्। ट्रम्पले युक्रेनी राष्ट्रपति जेलेन्स्कीलाई सम्बोधन गर्ने क्रममा पनि केही भ्रमित हुँदै आफ्नो सबैभन्दा ठूलो विरोधी 'राष्ट्रपति पुटिन' का रूपमा चर्चा गरेका थिए।