अर्जेन्टिनासँग पराजित हुँदै विश्वकपबाट बाहिरियो भारत

भारतीय पुरुष हक्की टोली एफआईएच विश्वकपको उपाधि दौडबाट बाहिरिएको छ। सोमबार नेदरल्यान्ड्सको एम्स्टेलभिनस्थित वागेनर रंगशालामा भएको दोस्रो चरणको खेलमा भारत अर्जेन्टिनासँग ५–३ गोलले पराजित भयो।

अर्को चरणमा पुग्न भारतलाई कम्तीमा दुई गोलको अन्तरले जित आवश्यक थियो। तर रक्षापंक्तिमा कमजोर प्रदर्शन गर्दा भारतले खेलको पहिलो मिनेटमै गोल खायो। त्यसपछि अर्जेन्टिनाले लगातार दबाब बढाउँदै पहिलो हाफमै ३–१ को अग्रता बनायो।