काठमाडौँको ट्राफिक जाम कम गर्न सातदोबाटो र एकान्तकुनामा बन्दैछ यस्तो अन्डरपास र ओभरपास

काठमाडौँ । उपत्यकाको बढ्दो ट्राफिक चापलाई दीर्घकालीन रूपमा व्यवस्थापन गर्न सरकारले चक्रपथका थप दुई प्रमुख स्थानमा अन्डरपास र ओभरपास निर्माण गर्ने प्रक्रिया अघि बढाएको छ । लामो समयदेखि चर्चामा रहेका ललितपुरको सातदोबाटो र एकान्तकुना चोकमा ग्रेड सेपरेटेड सडक संरचना निर्माणको काम आगामी आर्थिक वर्ष (२०८३/०८४) देखि सुरु गर्ने तयारी गरिएको छ ।

सडक विभागका प्रवक्ता श्यामबहादुर खड्ककाका अनुसार उक्त ओभरपास र अण्डरपास गुणस्तर अनुसन्धान तथा विकास केन्द्रद्वारा निर्माण गरिने छ । यसअघि केन्द्रले ग्वार्कोमा ओभरपास निर्माण गरिसकेको छ ।