भारतीय सेनापछि ड्रागन फ्रुटले बदलियो घलेको जीवन

सुनसरी । लामो समय भारतीय सेनामा बिताएका कृपाश्वर घले गुरुङले अवकाशपछि रोजेको कृषि कर्म अहिले उनको मुख्य आम्दानीको स्रोत बनेको छ । सुनसरीको रामधुनीमा दुई बिघा क्षेत्रफलमा गरिएको ड्रागन फ्रुट खेतीबाट उनले वार्षिक ५५ देखि ६० लाख रुपैयाँसम्म आम्दानी गर्दै आएका छन् ।

करिब २८ वर्ष भारतीय सेनामा सेवा गरेपछि घलेले २०७४ सालमा ‘सर्जुमा ड्रागन फ्रुट कृषि फार्म’ स्थापना गरेर व्यावसायिक खेती सुरु गरेका थिए । करिब २२ वर्षअघि मलेसियाबाट ल्याइएको रातो पिङ प्रजातिको एउटा बिरुवाबाट सुरु भएको उनको प्रयोग अहिले ठूलो व्यावसायिक फार्ममा विस्तार भएको छ ।