२ लाख विदेशी नागरिकको व्यापारिक र पर्यटक भिसा रद्द गर्ने अमेरिकाको तयारी

काठमाडौं– अमेरिकी सरकारले करिब २ लाखसम्म विदेशी नागरिकको व्यापारिक र पर्यटक भिसा रद्द गर्ने तयारी गरेको छ। यो कदम लागू भएमा एकैपटक ठूलो संख्यामा भिसा रद्द गर्ने अमेरिकाको इतिहासकै सबैभन्दा ठूलो कारबाहीमध्ये एक हुन सक्नेछ।

अमेरिकी विदेश मन्त्रालयका प्रवक्ता टमी पिगटले आगामी केही सातामा बी–१ र बी–२ भिसा रद्द गर्ने घोषणा गर्न सक्ने बताएका हुन्। सन् २०१६ देखि २०२६ सम्म जारी गरिएका यी भिसामध्ये अमेरिकामा शरणका लागि आवेदन दिएका वा आवेदन दिने प्रक्रियामा रहेका व्यक्तिमाथि कारबाही हुन सक्नेछ।